1. این پایگاه به ثبت ستاد ساماندهی وزارت فرهنگ و ارشاد اسلامی ایران رسیده است.

    مهمان عزیز سپاس بابت بازدید شما از تالار گفتگوی دهه هفتادی ها.

    عضویت در انجمن رایگان بوده و برای عموم باز میباشد . با صرف 30 ثانیه یکی از اعضای دهه هفتادی ها شوید .

شعرترکی

شروع موضوع توسط รђเ๓ค ‏Jul 30, 2014 در انجمن شعر و مشاعره

  1. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    چوخ سعی ائلدیم دوشمیه بلکه دیله دردیم
    اما نه ائدیم چاره کی دیلدن دیله دوشدی
    تک قویماگولوم دوستووی هر دن بئله یوخلا
    بیردن گوره سن تاپدی اجل فاصله دوشدی…
     
    $$h@mid$$، M.G.Captain، Vida و یک نفر دیگر از این ارسال تشکر کرده اند.
  2. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    توتولوپدی اورگیم،قلبیمه اوت سالدی فلک
    گوزیمی آتدی کؤزه شادلیغیمی آلدی فلک
    قفسه سالدی بوغم،بوغدی داریخدیردی منی
    منی سیندیرماقینان اوزسازینی چالدی فلک
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  3. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    دون اولدوم ذؤق مئی‌دن ائیله کیم، اوفتاده بیر یئرده


    اؤزوم بیر یئرده دوشدوم، مست قالدیم، باده بیر یئرده

    بساطِ مئی‌ده سوز یوخ‌کی، دئییرلر، حال اولور آمما

    «اولا گر باده بیر یئرده، نگارِ ساده بیر یئرده»

    ینه، زاهید، اقلاً بیر صفا وار، سُفره‌ی مئی‌ده

    نه گوسترمیش کدورت‌دن سوای سجاده، بیر یئرده؟

    آلیبدیر کؤنلومی، حیرتده‌یه‌م کی، گؤزلرین فکری

    نئجه بیر صید اولوب قسمت، ایکی صیّاده بیر یئرده

    اسیری من کیمی مینلرجه وار، اول سروِ رعنانین

    نه بیر دم اؤلدورور، نه ائیله‌ییر آزاده، بیر یئرده

    منیم بو داغلار کی، سینه مه، اول لاله رخ چکمیش

    که هرگز ائتمه‌میش شیرین، اونی فرهاده بیر یئرده

    مقام و شأنین ایسترسه‌ن، اوجالسین «واحد» عالمده

    چالیش تا خدمت ائت، تکمیل اولان اوُستاده بیر یئرده

    شاعر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  4. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    کیمده واردیر گؤزلیم، سنده اولان جاذبه‌لر


    سنه دنیاده مگر، عاشق اولان‌دا، غم ائلر؟

    بسدیر اولدورمه‌یه جکسن، گؤزلیم دنیانی

    هر اوزی گؤیچک اولاندا، بوقدر چم خم ائلر

    اینجیمه گؤزیاشیم، آخسا سنی گؤردوکده گولوم

    گول آچیل‌دیکده باهار فصلی بولود شبنم ائلر

    ناز و غمزه‌ن، یئریشین، شوخ باخئشین، عالم‌دیر

    بیرده زولفون اوزه توکسؤن اودا بیر عالم ائلر

    حیف سن، گزمه یاراشماز سنه بیگانه‌ایله

    او آچیب سرّینی دونیایه سنی، محرم ائلر

    «واحدم» عمریمی من عشقیله صرف ایله‌میشم

    عشق یا اؤلدورر آخر منی یا، آدم ائلر

    شاعر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  5. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    اؤلمزدیم اگر سن کیمی بیر، دلبریم اولسا


    بیر آفت جان، شوخ ملک، منظریم اولسا

    هر گون دولانیب باشینا، قربان سنه اول‌لام

    پروانه صفت، اوُچماقا، بال و پریم اولسا

    دنیاده سئویننم بوتون عاشیقلر ایچینده

    آهولری، مجنون ائلییه‌ن، گؤزلریم اولسا

    شؤق‌ایله نثار ائیلرم، هر بیر قدمینده

    دریا قدری الده، دُور و گؤهریم اولسا

    کویینده منه قوی نه بیلیر، ائیله‌سین اغیار

    البته جزاسین چکر «آللاه کریم» اولسا

    بیگانییه من، بیر بئله منّت می ائدردیم؟

    کونلوم کیمی بیر یار وفا پروریم اولسا

    «واحد» دئمه‌رم دردیمی من باشقا نگاره

    یاریم بیلیر عشقینده نه درد و سریم اولسا!

    شاعر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  6. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    دریای محیط جوشه گلدی


    کون‌ایله مکان خروشه گلدی

    سرّ ازل اولدی آشکارا

    عارف نئجه ائیله‌سون مدارا

    هر ذرّه گونش‌دن اولدی ظاهر

    توپراغه سجود قیلدی طاهر

    نقاش بیلیندی نقش ایچینده

    لعل اولدی عیان بدخش ایچینده

    آجی سو شراب کوثر اولدی

    هر زهر نبات شکّر اولدی

    تریاک مزاجی توتدی آغو

    لؤلؤی مدوّر اولدی دارو

    کلّ یئر و گوگ حق اولدی مطلق

    سؤیلر دف و چنگ و نی انا الحق

    معشوق‌ایله عاشق اولدی بیر ذات

    محو اولدی وجود نفی و اثبات

    هر قطره محیط اعظم اولدی

    هر ذره مسیح و مریم اولدی

    تاش و کسک اولدی ورد نسرین

    فرهاد ایله خسرو اولدی شیرین

    مسجود ایله ساجد اولدی واحد

    مسجود حقیقی اولدی ساجد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  7. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    عشقین ائله‌سه عالمی قان، بیلمه‌یه جکسن!


    یوز دفعه دئسه‌م، مطلبی قان، بیلمه‌یه جکسن!

    باخ سینه مه، مین یاره ووروب تیرِ نگاهین

    افسوس کی، ای قاشی کمان، بیلمه‌یه جکسن

    آخر کی قوجالتدی منی، درِد و غم عشقین

    پیر اولماسان، ای تازه جوان، بیلمه‌یه جکسن

    بی‌مهرسن، عالمده، رُخِ آلینا حسرت

    وئرسه‌م‌ده اگر هیجرده جان، بیلمه‌یه جکسن

    مجنون کیمی، زنجیرِ سرِ زولفینه باغلی

    اولسام داخی، رسوای جهان، بیلمه‌یه جکسن

    توتسام، گؤزه‌لیم، دامنینی، اینجیمه منده‌ن

    نیلیم کی، دئسم گئتمه، دایان، بیلمه‌یه جکسن

    کویوندا گؤزوم یاشینی، یوز یول ستمیندن

    ائتسه‌م یوزه، ای سرو روان، بیلمه‌یه جکسن

    سرّ لبینی دیلده نهان ساخلادیم ائلدن

    فاش اولمایا، بو رازِ نهان، بیلمه‌یه جکسن

    شؤق دهنین «واحدی» محو ائیله‌سه هر گاه

    اوندان یئنه بیر نام نشان، بیلمه‌یه جکسن

    شاعیر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  8. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    قویما گؤزه‌لیم، کویینه اغیار دولانسین

    انصاف‌می، گولزاری گلیب، خار دولانسین؟

    راضی ده‌گیلم اؤزگه اولا محرم وصلین

    گولزار بهشتی نه‌یه کفّار دولانسین؟

    کؤنلوم قوشو دائم دولانیر، شؤقِ روخونله

    البته گرک، کعبه‌نی زوّار دولانسین

    اکراه ائله‌مه قامتینه زولف دولاشسا

    سرو اوستونه، بو رسمدی، شاه مار دولانسین

    رحم ائت، گونیمی ائیله‌مه زولفون کیمی قاره

    قویما اوزونه طرّه‌ی طرار دولانسین

    سالدی منی پیوسته قاشین فکرینه، ظالم!

    دائم بئله قوی چرخ جفاکار دولانسین

    مخمور گؤزون فیکری ائدیب عالمی بیهوش

    واحد نئجه بو شؤق‌ایله هوشیار دولانسین؟

    شاعیر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  9. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    سوئیله ای گول، هانسی باغین، سن گولِ رعناسی‌سان؟


    هانسی گلزارِ بهشتین، سروی سن، طوُباسی‌سان؟

    آچما زولفون عطریله بیهوش ائدرسن عالمی

    چونکی سن دشتِ خطانین، عنبرِ ساراسی‌سان

    نازنین جانان گؤزه‌للر، قارشی دُورماز روُیینه

    جمله سیندن سن گؤزه‌ل‌سن، هامی‌نین اعلاسی‌سان

    باغبانین کیملر اولموش؟ گؤزلرین حئیرانی‌یام

    سن مگر گلزارِ حُسنون نرگس شهلاسی‌سان؟

    گؤرمه‌یینجه گول اوزون، جسمیمده قالماز طاقتیم

    روحی‌سان گویا، بو مسکین عاشیقین، اعضاسی‌سان

    من کیمی مینلرجه مجنونلار، اسیروندیر سنین

    سؤیله یاریم، دوغرو سؤیله، سن کیمین لیلاسی‌سان

    اینجیمه‌ز، «واحد»، او گول آه و فغانیندان سنین

    سن گؤزه‌للر باغی‌نین بیر بولبولِ شیداسی‌سان

    شعر: علی آقا واحد
     
    $$h@mid$$، M.G.Captain، Admin و 2 نفر دیگر از این ارسال تشکر کرده اند.
  10. รђเ๓ค

    รђเ๓ค تمنای هادی عزیز دل عسگری پس نگارا بفرما کجایی؟

    5,209
    15,160
    22,151
    وورما اوقاره تئللرینه شانه سئوگیلیم


    ائتمه منی بلاکش دیوانه سئوگیلیم

    یاندیردی حسرتین منی، گؤستر جمالینی

    کؤنلوم اولوب اول آتشه- پروانه سئوگیلیم

    بیر دفعه ائیله دیمسه، تمنای وصلینی

    یوز دفعه یاندیم- آتش هجرانه، سئوگیلیم

    گزمه رقیبله منی غیرت هلاک ائدیر

    سالما بلالی عاشقینی قانه سئوگیلیم

    گؤسترمه قاره خالینی، کؤنلوم فغان ائدیر

    قوش، ده‌ن، گؤرنده تئز گلیر افغانه سئوگیلیم

    یوز لیلی گؤرسه حسنونی مجنون اولار سنین

    عشقینده اوز قویاردی بیابانه سئوگیلیم

    انصافی اولسا چرخ، بو بیچاره «واحدی»

    حسرت قویارمی، سن کیمی جانانه سئوگیلیم؟

    شعر: واحد
     
    $$h@mid$$، M.G.Captain و Admin از این ارسال تشکر کرده اند.